"ჰამიდ, შენ მარტო არ ხარ" - გარდაბნელ მასწავლებელს, რომელსაც ნაადრევი ქორწინების დაგმობის გამო ბოდიში სახალხოდ მოახდევინეს, სოლიდარობას უცხადებენ - პალიტრა ვიდეო

გარდაბნის გეოგრაფიის მასწავლებლის, ჰამიდ სადიკოვის მხარდასაჭერად ახალგაზრდებმა აზერბაიჯანულ ენაზე ვიდეომიმართვა ჩაწერეს. ვიდეოში ისინი ჰამიდ სადიკოვის მხარდაჭერით გამოდიან და ნაადრევ ქორწინებას აპროტესტებენ.

შეგახსენებთ, რომ გარდაბნის რაიონის ერთ-ერთ სოფელში გეოგრაფიის მასწავლებელს, ჰამიდ სადიკოვს ადგილობრივებმა ბოდიში იმის გამო მოახდევინეს, რომ მან "ფეისბუქზე" ქორწინებისთვის გოგოს გატაცება გააპროტესტა.

ამ ფაქტის ამსახველი ვიდეო მოგვიანებით სოციალური ქსელით გაავრცელეს.