"კაი დღეში ხარ ახლა, იცინე!" - ლაგოდეხში ტრაგიკულად გარდაცვლილი გოგონას დას ქუთაისის საკრებულოს წევრმა დამცინავი სტატუსი მიუძღვნა - პალიტრა ვიდეო

ქუთაისის საკრებულოს წევრმა ნანა კოსტავამ სოციალურ ქსელ "ფეისბუქში" გამოაქვეყნა პოსტი, რომელშიც სალომე ბარკერის ფოტოს აქვეყნებს თანდართული ტექსტით: "კაი დღეში ხარ ახლა, იცინე!". სალომე ბარკერი რამდენიმე დღის წინ ლაგოდეხის ნაკრძალში ტრაგიკულად გარდაცვლილი 16 წლის მოსწავლის დაა. 

პოსტს მალევე მოჰყვა საზოგადოების მხრიდან გამოხმაურება, რის შემდეგაც საკრებულოს წევრმა ის "ფეისბუქიდან" წაშალა, თუმცა მისი გვერდის "კედელზე" აღშფოთებული აუდიტორიის კომენტარები არ წყდება.

ნანა კოსტავა ქუთაისის საკრებულოს წევრი და ფრაქცია "ქართული ოცნება-კონსერვატორების" თავმჯდომარეა.



ასევე დაგაინტერესებთ: ქუთაისელი დეპუტატის მიერ გამოქვეყნებული საბოდიშო პოსტი, რომელიც მალევე წაშალა - რა დაწერა ნანა კოსტავამ მას შემდეგ, რაც გარდაცვლილი გოგონას დას დამცინავად მიმართა