"გადმოვარდეს, გაუსკდეს თავი და დავისვენებ" - თბილისში ყოფილი ცოლ-ქმარი ერთმანეთს შვილებზე ძალადობაში ადანაშაულებს, მამა კი ვიდეოკომპრომატებს აქვეყნებს - პალიტრა ვიდეო

5 წლის ვატოს და 9 წლის ნიკოლოზის მამა პაატა თაბუკაშვილი ყოფილ მეუღლეს, ნათია სამხარაძეს მძიმე ბრალდებებს უყენებს. თაბუკაშვილის თქმით, სულ რაღაც 10 თვის იყო ვატო, როცა დედამ მასზე ფიზიკურად იძალადა და ამის ამსახველი ვიდეომასალაც აქვს. ბავშვების მამის განცხადებით, დედა ბავშვებს ფულის გამოსაძალადაც იყენებს და რომ ბავშვების დედა მას 80 000 დოლარს სთხოვდა. საპირისპიროს ამტკიცებს ბავშვების დედა ნათია სამხარაძე და აღნიშნავს, რომ მოძალადე თავად მამა არის. მისივე განცხადებით, იმ შემთხვევაში, თუკი, სასამართლო ბავშვების ძალადობაში მის ბრალეულობას დაინახავდა, შესაბამის გადაწყვეტილებასაც მიიღებდა.

დავამ ყოფილ მეუღლეებს შორის სასამართლოში გადაინაცვლა. გასული წლის მარტის თვეში სასამართლოს მიერ გამოტანილი გადაწყვეტილებით, შვილები მშობლებს ორ-ორი კვირის მონაცვლეობით მიაკუთვნა.


ავტორი: ეკუნა ლემონჯავა, Palitravideo.ge [exclusive]