შიდა კადრები სასამართლოდან, სადაც სმიტების მკვლელობაში ბრალდებულ კობაურს ნაფიცმა მსაჯულებმა ვერდიქტი გამოუტანეს - პალიტრა ვიდეო

ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა გამამტყუნებელი ვერდიქტი გამოუტანეს. კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს.

მსაჯულები სათათბირო ოთახში 4 საათი მსჯელობდნენ. მალხაზ კობაურს ბრალი სისხლის სამართლის კოდექსის 109-ე მუხლის პირველი ნაწილის "გ", მე-2 ნაწილის "ბ", მე-3 ნაწილის "ა" და "ბ" ქვეპუნქტებით და 137-ე მუხლის პირველი ნაწილით ჰქონდა წარდგენილი, რაც განზრახ მკვლელობას სხვა დანაშაულის გაადვილებისა და დაფარვის მიზნით, სამი პირის განსაკუთრებული სისასტიკით მკვლელობას, წინასწარი შეცნობით არასრულწლოვნის მიმართ მკვლელობასა და გაუპატიურებას გულისხმობს. აღნიშნული დანაშაული 16-დან 20-წლამდე, ან უვადო პატიმრობას ითვალისწინებს.

ავტორი: ეკა ლემონჯავა

ასევე იხილეთ: რა რეაქცია ჰქონდა სმიტების მკვლელობაში ბრალდებულის დედას, როცა ნაფიცმა მსაჯულებმა მალხაზ კობაურის მიმართ გამამტყუნებელი ვერდიქტი გამოიტანეს

ეს გადაწყვეტილება ჩვენთვის მოულოდნელი იყო - სმიტების მკვლელობაში ბრალდებულ კობაურის ადვოკატი

პროკურორი: ერთადერთი სამართლიანი სასჯელი კობაურისთვის უვადო თავისუფლების აღკვეთაა