კახეთის გზატკეცილზე გზის რეაბილიტაცია 6 თვეა მიმდინარეობს: ნახეთ ერთადერთი მოქმედება, რომელიც ამ მონაკვეთზე 48 საათის განმავლობაში განხორციელდა

2018-08-29 14:21:54+04:00

კახეთის გზატკეცილის ერთ-ერთ მონაკვეთზე, სადაც სარეაბილიტაციო სამუშაოები უკვე ნახევარი წელია მიმდინარეობს, "პალიტრავიდეომ" კამერა დააყენა, რათა მიმდინარე სამუშაოები გადაეღო. როგორც ამოღებულ ვიდეომასალაში გამოჩნდა, 48 საათის განმავლობაში, ამ მონაკვეთზე მხოლოდ ერთი მოქმედება განხორციელდა.

კახეთის გზატკეცილის მარცხენა სათადარიგო ზოლის რეაბილიტაცია მერიამ 5 აპრილს დაიწყო. სამუშაოები მიმდინარე წლის 2 ოქტომბრამდე გაგრძელდება და 8 205 916,09 ლარი დაჯდება. რაც შეეხება კახეთის გზატკეცილის მარჯვენა სათადარიგო ზოლს, მისი რეაბილიტაცია 18 აგვისტოს დაიწყო და 25 დეკემბერს დასრულდება, პროექტისთვის 10 357 753,00 ლარია გამოყოფილი.

ასევე დაგაინტერესებთ: ვიდეოფაქტი: რა ინტენსივობით მიმდინარეობს საგზაო სამუშაოები შარტავას ქუჩაზე

კახეთის გზატკეცილის ტერიტორიაზე თვეზე მეტია გზის რეაბილიტაციის სამუშაოები შეჩერებულია და მიწისქვეშა გადასვლელში წვიმს