რას ჰყვება დედა, რომლის ერთადერთი, ნაშვილები ბიჭის მკვლელობისთვის ბრალდებული სასამართლოდან გაათავისუფლეს - "ეს ჩემი შვილის სულის ლაფში ამოსვრაა" - პალიტრა ვიდეო

მიმდინარე წლის 17 თებერვალს სადგურის მოედანზე ახალგაზრდა მამაკაცს ყელი გამოჭრეს. მკვლელობაში ბრალდებულია ასევე არასრულწლოვანი ახალგაზრდა. Palitravideo.ge-ს გარდაცვლილის დედა ლარისა ძოძუაშვილი დაუკავშირდა. ის აცხადებს, რომ მკვლელობაში ბრალდებული რამდენიმე დღის წინ სასამართლო დარბაზიდან გაათავისუფლეს. როგორ ლარისა ძოძუაშვილი ამბობს, მისი შვილის მკვლელობას ხელს ვიღაც აფარებს.

Palitravideo.ge მსჯავრდებული გ.ქ.-ს ადვოკატსაც დაუკავშირდა. როგორც ადვოკატი ამბობს,  მსჯავრდებულმა აუცილებელი მოგერიების ფარგლებს გადააცილა.

იმის გათვალისწინებით, რომ საქმე არასრულწლოვნებს ეხება, Palitravideo.ge ინტერვიუს იმ ფრაგმენტებს, რომლებშიც ლარისა ძოძუაშვილი მოქმედი პირების სახელებსა და გვარებს ასახელებს, ხმის შეგნებული ხარვეზით გთავაზობთ.

ავტორი: თიკო გურაშვილი
ოპერატორი: გიგა დანელია
მონტაჟი: გიო კუსიანი