სათვალთვალო კამერის ჩანაწერი, რომელშიც გონიოში მომხდარი საზარელი ავარიის მომენტი ჩანს - პალიტრა ვიდეო

გონიოში, ცენტრალურ საავტომობილო გზაზე მომხდარ ავარიას ორი ადამიანის სიცოცხლე ემსხვერპლა, ხოლო ერთი მძიმე მდგომარეობაში საავადმყოფოში გადაიყვანეს. შემთხვევა გუშინ დილით მოხდა, ერთმანეთს მსუბუქი ავტომობილები შეეჯახნენ. ადგილზე სამაშველო-სასწრაფო და საპატრულო პოლიციის თანამშრომლები იყვნენ მობილიზებულნი.

საქართველოს შინაგან საქმეთა სამინისტროს პრესსამსახურის ცნობით, მომხდართან დაკავშირებით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი პირის სიცოცხლის მოსპობა გამოიწვია.

ვიდეოკადრებს "აჭარის ტელევიზია" ავრცელებს.