რა ხდება საფრანგეთში საპრეზიდენტო არჩევნების პირველი ტურის შემდეგ - პალიტრა ვიდეო

საფრანგეთში ჩატარებული საპრეზიდენტო არჩევნების პირველ ტურში პოლიტიკური მოძრაობა "წინ"-ის ლიდერმა ემანუელ მაკრონმა ამომრჩეველთა ხმების 23,75% მიიღო, "ეროვნული ფრონტის" ლიდერმა მარინ ლე პენმა - 21,53%.

ეს ორი კანდიდატი ერთმანეთს საფრანგეთის საპრეზიდენტო არჩევნების მეორე ტურში დაუპირისპირდება, რომელიც 7 მაისს გაიმართება.

რაც შეეხება სხვა კანდიდატებს, საბოლოო შედეგები ასეთია: ფრანსუა ფიიონი - 19,91%, ჟან-ლიუკ მელანშონი - 19,64%, ბენუა ამონი - 6,35%, ნიკოლა დიუპონ-ენიანი - 4,75%, ჟან ლასალი - 1,22%, ფილიპ პუტუ - 1,10%, ფრანსუა ასელინო - 0,92%, ნატალი არტო - 0,65%, ჟაკ შემინადი - 0,18%.

აღსანიშნავია, რომ ამომრჩეველთა აქტივობამ 78,69% შეადგინა. 2012 წლის საპრეზიდენტო არჩევნებზე ამომრჩეველთა აქტივობამ 80,42% შეადგინა.