ფასანაურთან ტრაილერის მძღოლი დაიღუპა - ადგილზე 10 დღის განმავლობაში ჩარჩენილი მძღოლები დახმარებას ითხოვენ
ფასანაურთან ტრაილერის მძღოლი დაიღუპა - ასეულობით ტრაილერი ფასანაურთან მეათე დღეა გზაზეა ჩარჩენილი. საკვების, ფულის და საწვავის გარეშე დარჩენილი მძღოლები დახმარებას ითხოვენ და ამბობენ, რომ ადგილზე საკმაოდ მძიმე მდგომარეობაა და მათ ყურადღებას არავინ აქცევს. მძღოლის გულის შეტევით გარდაცვალებას ადასტურებენ შინაგან საქმეთა სამინისტროშიც. საავტომობილო გზების დეპარტამენტში კი აცხადებენ, რომ უსაფრთხოების ნორმებიდან გამომდინარე, ადგილზე მისაბმელიანი ავტოტრანსპორტისათვის გადაადგილება შეუძლებელია და მძღოლებს პოლიცია ამიტომ არ ატარებს.