როგორ გადანაწილდა თანამდებობები "ნაციონალურ მოძრაობაში"?
"ნაციონალურ მოძრაობაში" საპარლამენტო თანამდებობებზე გადაწყვეტილებები მიიღეს. უმცირესობის ლიდერი დავით ბაქრაძე იქნება, ვიცე-სპიკერი კი - სერგი კაპანაძე. როგორც ჟურნალისტებს პარტიის ლიდერებმა განუცხადეს, უკვე გადაწყვეტილია ძირითადი ფრაქციის თავმჯდომარის ვინაობაც. "ნაციონალურ მოძრაობაში" გრძელდება მსჯელობა ფრაქციების რაოდენობასთან დაკავშირებით. არსებულ ვითარებაში ენმ-ს სამი ფრაქციის შექმნის საშუალება აქვს, თუმცა გადაწყვეტილება, თუ რამდენი ფრაქცია ეყოლებათ, ამ ეტაპზე მიღებული არ არის.