რას ჰყვება ცხინვალის იზოლატორიდან სამდღიანი უკანონო პატიმრობის შემდეგ გათავისუფლებული მამაკაცი?
გორის მუნიციპალიტეტის სოფელ კირბალის მცხოვრებელი, 29 წლის ილია თაყაძე ცხინვალის მილიციის იზოლატორიდან გაათავისუფლეს. გათავისუფლება გუშინ საღამოს მოხდა. ე.წ. მესაზღვრეებმა ილია თაყაძე სოფლის განაპირას, პირუტყვის მწყემსვის დროს დააკავეს. სამდღიანი უკანონო პატიმრობის შემდეგ, ცხინვალის ე.წ. სასამართლოზე, თაყაძეს საზღვრის უკანონო გადაკვეთაში დასდეს ბრალი და ჯარიმა გადაახდევინეს.