"ქართულმა ოცნებამ" "ქართუ" ბანკიდან წინასაარჩევნოდ მილიონი ლარი ისესხა - პალიტრა ვიდეო

"ქართულმა ოცნებამ" "ქართუ" ბანკიდან წინასაარჩევნოდ მილიონი ლარი ისესხა. ინფორმაციას სახელმწიფო აუდიტის სამსახური ავრცელებს. დოკუმენტის მიხედვით, პარტიის მიერ ბანკიდან სესხის აღება 9 სექტემბერს მოხდა. მისი დაფარვის ვადა 4 თვე, წლიური საპროცენტო განაკვეთი კი 11%-ია. სესხის უზრუნველყოფად მითითებულია საქართველოს საარჩევნო კოდექსის 56-ე მუხლის პირველი ნაწილი, რაც თავის მხრივ იმ პარტიების მიერ მილიონ ლარამდე გაწეული ხარჯების სახელმწიფოს მიერ ანაზღაურებას გულისხმობს, რომელმაც საარჩევნო ბარიერი გადალახა.