რუსეთში ბიზნესმენმა გოგონა ყველას თვალწინ სცემა და მოკვლის მუქარით სასაფლაოზე გაიტაცა - პალიტრა ვიდეო

33 წლის ფატიმას მოტაცება კრასნოდარში ერთ-ერთი ძვირადღირებული რესტორნიდან, სათვალთვალო კამერებმა დააფიქსირა. ვიდეოზე ჩანს, როგორ ატარებს დროს მანდილოსანი ორ მამაკაცთან ერთად, ამასთნ ერთ-ერთს უფრო მეტ ყურადღებას აქცევს. ამ დროს რესტორანში უცნობი მამაკაცი შედის, ყველას თვალწინ ფატიმას რამდჯერმე მუშტს უთავაზებს, შემდეგ ხელს თმებში კიდებს და ისე გაჰყავს დაწესებულებიდან. მამაკაცი მანდილოსანს მანქანაში, BMW X6-ში სვამს და სასაფლაოსკენ მიჰყავს, გზაში კი მოკვლით ემუქრება. ფატიმამ გაქცევა მაშინ მოახერხა, როდესაც მანქანა შუქნიშანზე იყო გაჩერებული. მოგვიანებით გაირკვა, რომ თავდამსხმელი 44 წლის ბიზნესმენი იყო, რომელიც უკვე 5 წელია, რაც ფატიმას იცნობდა და მხოლოდ ბოლო ორი თვეა გადაწყვიტა მის მიმართ გრძნობები გაემხილა, თუმცა გოგონასგან უარი მიიღო. ამ დროისთვის მამაკაცი დაკავებულია.