ჩარჩო, რომელიც დროს ანელებს - პალიტრა ვიდეო

Slow Dance ("ნელი ცეკვა") - ეს არის ინოვაციური მოწყობილობა, რომელმაც სულ ცოტა ხნის წინ დაიპყრო სამეცნიერო და ინოვაციების გამოცემები. როგორც ამბობენ, ეს არის ერთი შეხედვით ჩვეულებრივი ჩარჩო, რომელსაც შეუძლია დრო შეანელოს, ნებისმიერი საგნის შენელებული მოძრაობა გაჩვენოთ. როგორც იდეის ავტორი ამბობს, Slow Dance შექმნილია ადამიანებისთვის სიმშვიდის მისანიჭებლად და ბუნების სილამაზით დასატკბობად. გარდა ამისა, როგორც ამბობენ, ის ყველაზე მარტივი საშუალებაა მედიტაციის დროს.

გამოგონების შემქმნელის თქმით, "ნელი ცეკვა" აერთიანებს ტექნიკას, მეცნიერებასა და ხელოვნებას, რათა შეგვახსენოს, თუ როგორი საიდუმლოებით სავსე ბუნებითა და სილამაზით ვართ მოცულნი ყოველდღე. ის სილამაზე, რომელსაც ჩარჩო წარმოგვიდგენს, ამშვიდებს ჩვენს გონებას, ამცირებს სტრესს და გვეხმარება კონცენტრაციაში.