ვინ და რატომ ესროლა ტაქსის მძღოლს - უახლესი ინფორმაცია დაჭრილზე და თვითმხილველების მონაყოლი
განახლებული ინფორმაცია: გამსახურდიას გამზირზე დაჭრილ ტაქსის მძღოლს ამ წუთებში ქირურგიის ეროვნულ ცენტრში მცირე ოპერაცია უტარდება. როგორც ქირურგიის ეროვნულ ცენტრში განაცხადეს, დაჭრილი მამაკაცი 53 წლისაა, იგი სამედიცინო დაწესებულებაში სასწრაფო დახმარების ბრიგადამ გადაიყვანა. პაციენტს დაზიანება ხელის მტევანზე აღენიშნება. ამ წუთებში ტრავმატოლოგები დაჭრილს მცირე ოპერაციას უტარებენ. პაციენტს სიცოცხლესთან შეუთავსებელი ჭრილობები არ აქვს.