წესრიგი, დისციპლინა და რეფორმა - მინისტრმა ლევან იზორიამ დაგეგმილ ცვლილებებზე პირველად ისაუბრა - პალიტრა ვიდეო

საქართველოს თავდაცვის მინისტრი ლევან იზორია სამინისტროში რეორგანიზაციასა და ოპტიმიზაციას გეგმავს. როგორც მინისტრმა სამინისტროს სამოქალაქო ოფისისა და შეიარაღებული ძალების გენერალური შტაბის წარმომადგენლებთან შეხვედრაზე განაცხადა, უწყებაში მნიშვნელოვანი ყურადღება დაეთმობა წესრიგს, დისციპლინასა და რეფორმას. ნაკლები დანახარჯებით მაქსიმალური ეფექტის მისაღწევად კი რეორგანიზაცია განხორციელდება და ოპტიმიზაციის დროს უპირატესობა მაღალკვალიფიციურ კადრებს მიენიჭება.