რატომ იბარებს სახელმწიფო აუდიტი არჩევნებში მონაწილე პარტიებს?
სახელმწიფო აუდიტის სამსახური არჩევნებში მონაწილე პარტიების ცალკეულ შემომწირველებს გამოკითხვაზე იბარებს. პარტიების ფინანსური საქმიანობის მონიტორინგის სამსახურის უფროსის განცხადებით, არსებობს კითხვები "ყველა მსხვილი პარტიის" შემოწირულობებთან დაკავშირებით. ზურაბ აზნაურაშვილის განმარტებით, ფიქსირდება შემთხვევები, როდესაც ამა თუ იმ პოლიტიკური ძალის სასარგებლოდ თანხა გაღებული აქვს ისეთ კერძო პირს, რომელსაც შემოსავალი არ გააჩნია.