რატომ უნდა შემცირდეს სტამბოლის საჰაერო-სატრანსპორტო ჰაბზე საქართველოს დამოკიდებულება?
თურქეთში განვითარებული მოვლენების ფონზე, არასამთავრობო სექტორი სტამბოლის საჰაერო-სატრანსპორტო ჰაბზე საქართველოს დამოკიდებულების შემცირების აუცილებლობაზე საუბრობს. როგორც არასამთავრობო ორგანიზაცია HUB Georgia-ში აცხადებენ, თბილისის საერთაშორისო აეროპორტიდან ტრანზიტული მგზავრთნაკადის უმრავლესობა სტამბოლზეა მიბმული, რაც საქართველოს საჰაერო-სატრანსპორტო სისტემისთვის საფრთხის შემცველია. როგორც ორგანიზაციაში აცხადებენ, აუცილებელია, რომ ხელისუფლებამ სატრანსპორტო სისტემის დამოუკიდებლად განვითარების მიმართულებით მუშაობა დაიწყოს.