რას შეცვლის "ბანკი რესპუბლიკისა" და "ბაზისბანკის" შერწყმა ქართულ საბანკო სექტორში?
რა შეიცვლება ქართულ საბანკო სექტორში ბაზრის ორი მოთამაშის, "ბანკი რესპუბლიკისა" და "ბაზისბანკის" შერწყმის შედეგად - ,,ჰუალინგ ჯგუფის" მიერ "ბანკი რესპუბლიკის" ყიდვის შედეგად გაერთიანებული ფინანსური ინსტიტუტი დაახლოებით 2.5 მილიარდი ლარის აქტივებით ბაზარზე მესამე პოზიციას დაიკავებს. ბანკების ასოციაციაში მიიჩნევენ, რომ ახალი მსხვილი მოთამაშე ბაზარზე კონკურენციას გაზრდის, რაც მომხმარებლის ინტერესებზე დადებითად აისახება. ამასთან, ასოციაციაში ჩინური "ჰუალინგ ჯგუფის" საბანკო სფეროში გაძლიერებაზე ამახვილებენ ყურადღებას. სპეციალისტები არ გამორიცხავენ, რომ ორი მოთამაშის გაერთიანებამ გავლენა უშუალოდ საბანკო პროდუქტებზეც მოახდინოს.