მექსიკელი მედიამაგნატი მეორად სმარტფონებს შეისყიდის
მექსიკელმა მედიამაგნატმა კარლოს სლიმ ელუმ ნახმარი სმარტფონების შეგროვების პროგრამა დაიწყო. პროგრამა სკოლის მოსწავლეებისთვისაა განკუთვნილი, რათა მათ განათლების სხვადასხვა რესურსზე თავისუფალი წვდომა შეძლონ. მსოფლიოს ერთ-ერთი უმსხვილესი მობილური ოპერატორის მფლობელის განცხადებით, მისი ჰოლდინგი América Móvil სასწავლო საგნებზე უსადენო კავშირს ყველა ასაკის მსურველს უფასოდ მიაწვდის. კომპანია 1-2 წლის ნახმარი, კარგ მდგომარეობაში არსებული ტელეფონების შესყიდვას 500 პესოდ, 26 დოლარად აპირებს. მედიამაგნატის განცხადებით, მას სურს გახსნას მეორადი სმარტფონების ბაზარი, რომელიც სახელმწიფო სკოლებს დაეხმარება. კარლო სლიმ ელუ Forbes-ის მსოფლიოს უმდიდრესი ადამიანების რეიტინგში მეოთხე ადგილზეა.