"ეს არის ბარდელის მენეჯერის, სუტენიორის ლაპარაკი" - მეუფე სპირიდონი პრეზიდენტზე - პალიტრა ვიდეო

პირადი ცხოვრების ამსახველი ვიდეომასალების გავრცელების შესახებ საქართველოს პრეზიდენტის, გიორგი მარგველაშვილის მიერ გაკეთებულ კომენტარს მეუფე სპირიდონი გამოეხმაურა. მისი თქმით, ხალხმა მსგავს სიბილწეებს არ უნდა მოუსმინოს და არც არჩევნებზე მისცეს ხმა, რადგან ამ ყველაფრისთვის ქართველი ერი დაისჯება. 

"სახელმწიფოს მეთაური გამოდის ტელევიზორში და ამ ფაქტს ასეთ შეფასებას აძლევს - იცით, რაო?! რა არის ამაში ცუდი, მე ძალიან მდიდარი სექსი მქონდაო, მაქვს და მექნებაო. არაფრით არ არის ეს სახელმწიფოს მეთაურის ლაპარაკი. ეს არის საროსკიპოს, ანუ ბარდელის მენეჯერის, სუტენიორის ლაპარაკი და მისი ტერმინოლოგია. ხალხი უნდა გავაფრთხილოთ, რომ არ მოუსმინონ ასეთ სიბილწეს" - ამბობს მეუფე.