დანაშაულის ამსახველი ფარული ჩანაწერი: საგამოძიებო სამსახური რეინჯერების მამხილებელ კადრებს ავრცელებს - პალიტრა ვიდეო

საქართველოს ფინანსთა სამინისტროს საგამოძიებო სამსახურმა, წინასწარი შეთანხმებით ჯგუფის მიერ ქრთამის აღების ფაქტზე, საქართველოს გარემოსა და ბუნებრივი რესურსების დაცვის სამინისტროს, დაცული ტერიტორიების სააგენტოს თბილისის ეროვნული პარკის რეინჯერები, ხვთისო მიგრიაული და გიორგი აფციაური დააკავა. გამოძიებით დადგენილია, რომ ბრალდებულებმა, სამსახურებრივი მოვალეობის შესრულებისას, მათ დაქვემდებარებაში არსებული თბილისის ეროვნული პარკის ტყის ფონდის ტერიტორიაზე, წითელ წიგნში შეტანილი ხეების უკანონოდ მოჭრისა და სამასალე მერქნის დამზადების სანაცვლოდ, მოქალაქისაგან ქრთამის სახით მოითხოვეს 1 500 ლარი. საგამოძიებო სამსახურმა რეინჯერები მოთხოვნილი ქრთამის აღების ფაქტზე დააკავა.

საქმეზე გამოძიება მიმდინარეობს საქართველოს სსკ-ის 338-ე მუხლის მეორე ნაწილით, რაც ითვალისწინებს 7-დან 11 წლამდე პატიმრობას.