სკანდალი მანანა კობახიძის ძმის ირგვლივ: ანასტასია ზაუტაშვილის ადვოკატი მილიონიან შეთანხმებაზე საუბრობს
ანასტასია ზაუტაშვილის ყოფილი ადვოკატი კობა კობახიძე "არჩევანში" აცხადებს, რომ მას სკანდალური "კოკაინის საქმისთვის" გასამართლებული ანასტასია ზაუტაშვილის ინტერესების დაცვა მანანა კობახიძის ძმამ, თედო კობახიძემ შესთავაზა. მისი თქმით, მას თედო კობახიძე მანანა კობახიძემ გააცნო. რაც შეეხება ანაზღაურებას, ის პირველ ეტაპზე 6 250 ევროს ითვალისწინებდა, იმ შემთხვევაში კი, თუ "კოკაინის საქმისთვის" დაკავებულების გათავისუფლებას მოახერხებდნენ, 5 ადამიანის გათავისუფლების სანაცვლოდ დაახლოებით ერთ მილიონ ლარს მიიღებდნენ.