რუს ფეხბურთელს "ფენერბაჰჩესთან" მატჩში მაისურზე პუტინი ეხატა - პალიტრა ვიდეო

მოსკოვის "ლოკომოტივის" ფეხბურთელი დმიტრი ტარასოვი "ფენერბაჰჩესთან" ევროპალიგის 1/16-ფინალის პირველ შეხვედრაში რუსეთის პრეზიდენტის, ვლადიმირ პუტინის გამოსახულებიანი მაისურით გავიდა.
მატჩის დასრულების შემდეგ, რომელიც თურქული გუნდის გამარჯვებით, ანგარიშით 2:0 დასრულდა, ტარასოვმა გუნდის ფორმა გაიხადა და მაისური გამოაჩინა, რომელზეც პუტინი იყო გამოსახული. პუტინის სახის დაბლა ასევე იყო წარწერა: "ყველაზე თავაზიანი პრეზიდენტი".

"ის ჩემი პრეზიდენტია. მე მას პატივს ვცემ და გადავწყვიტე, მეჩვენებინა, რომ ყველგან მის გვერდით ვარ და მხარს ვუჭერ. ამ მაისურზე ყველაფერი წერია, რისი თქმაც მინდოდა", - თქვა ტარასოვმა.