რესტორან "თაღლაურასთან" კლდის ნაწილი ჩამოიშალა - პალიტრა ვიდეო

მტკვრის მარჯვენა სანაპიროზე, რესტორან "თაღლაურასთან" კლდის ნაწილი ჩამოიშალა. კლდის მასამ თან ჩამოიყოლა ქვა-ღორღი, რომელიც საავტომობილო გზაზე გადაცვივდა. შემთხვევის შედეგად არავინ დაშავებულა. ადგილზე იმყოფებიან საპატრულო პოლიციისა და სამაშველო სამსახურის წარმომადგენლები.

კლდის ნაწილი ჩამოიშალა იმ მონაკვეთიდან, სადაც დამცავი ბადეები არ არის გაკეთებული. კლდის დანარჩენ ნაწილზე უსაფრთხოების მიზნით დამცავი ბადეებია გაჭიმული.