შსს-მ უკანონო ბრუნვიდან ამოღებული ნარკოტიკული საშუალებები გაანადგურა - პალიტრა ვიდეო

შინაგან საქმეთა მინისტრის ბრძანების თანახმად, შექმნილმა მუდმივმოქმედმა კომისიამ საქართველოს მასშტაბით სხვადასხვა დროს ჩატარებული საგამოძიებო ღონისძიებების შედეგად უკანონო ბრუნვიდან ამოღებული სხვადასხვა სახეობის ნარკოტიკული საშუალებები: კოდეინის შემცველი 108 405 აბი, პრეგბალინის შემცველი 20 454 აბი, 633 აბი "სუბუტექსი", 711 გრ ჰეროინი, 17 კგ და 828 გრ მარიხუანა, "მეთადონი", "კოკაინი", ასევე, სხვადასხვა დასახელების ფსიქოტროპული და ახალი ფსიქოაქტიური ნივთიერებები ახალი ტექნოლოგიით, მაღალტემპერატურულ ღუმელში გაანადგურა.

სამართალდამცველები ნარკოტიკულ და ფსიქოაქტიურ საშუალებებს სასამართლოს შესაბამისი განაჩენის შემდეგ, 3 თვეში ერთხელ ანადგურებენ.