კავსაძე, კიკაბიძე, ბრეგვაძე, თოფურია, ხუჯაძე და ფირცხალავა - თანავარსკვლავედი ახალ ქართულ კომედიაში გააერთიანეს
კახი კავსაძე, ბუბა კიკაბიძე, ნანი ბრეგვაძე, ქეთა თოფურია, დათო ხუჯაძე და ირაკლი ფირცხალავა... და კიდევ ვინ მოთვლის, რამდენი ცნობილი და მაყურებლისთვის საყვარელი სახე შეკრიბა რეჟისორმა გიორგი კიკალეიშვილმა თავის ახალ ფილმში - "რობინზონი და ცხრა პარასკევა". სათავგადასავლო იუმორისტულ კომედიაში მთავარ როლს პაატა გულიაშვილი ასრულებს. ესაა საოჯახო ფილმი, რომელიც თანაბრად დააინტერესებს ყველა ასაკისა თუ გემოვნების მაყურებელს და რომლის პრემიერა 21 იანვარს, კინოთეატრ "ამირანში" შედგება.