ისწავლე, როგორ მართო დრო - დავით კენჭაძის მასტერკლასი - პალიტრა ვიდეო

ბიზნესტრენერი დავით კენჭაძე იმ 15 წესზე, რომელსაც ადამიანის პროდუქტიულობის გაორმაგება შეუძლია - ტრენინგი დროის მართვასთან დაკავშირებით პროექტ "ლურჯი ოკეანის" ფარგლებში გამოცემული ბესტსელერის, ბრაიან თრეისის "შეჭამე ბაყაყის" ირგვლივ წარიმართება.

"ლურჯი ოკეანე-ბიზნესგანათლება" "მედია პალიტრის" საგანმანათლებლო პროექტია, რომელიც აერთიანებს ორ მიმართულებას - გამომცემლობასა და ტრენინგ-ცენტრს. "ლურჯი ოკეანე-გამომცემლობის" ფარგლებში, მსოფლიოში დაწინაურებული ბიზნესლიტერატურა ქართულ ენაზე გამოიცემა. პროექტის ფარგლებში უკვე გამოიცა ისეთი ბესტსელერები, როგორებიცაა ბრაიან თრეისის "შეჭამე ბაყაყი" და "გახდი გაყიდვების ვარსკვლავი"; დუმმიეს სერიის ორი წიგნი - "მართე მარტივად" და "სამუშაოს ძებნა მარტივად".

ტრენინგ-სემინარს დავით კენჭაძე 9 ნოემბერს, 11:00 საათზე გამართავს. მონაწილეები 3-საათიან ინტენსიურ მასტერკლასს გაივლიან. ტრენინგში მონაწილეობა 30 მსურველს შეუძლია. მასტერკლასზე დასწრების ღირებულება 115 ლარია. დაინტერესებულმა პირებმა უნდა გამოგზავნონ შეტყობინება შემდეგ მისამართზე: trainings@blueocean.ge

ტრენინგი ჩატარდება კოსტავას 47 ნომერში, მეორე სართულზე.