"დიდი ბიზნესი" - მარინერ ეკლზი - პალიტრა ვიდეო

როგორ იწყებდნენ და როგორ ავითარებდნენ თავიანთ საქმეს ადამიანები, რომლებსაც დღეს ბიზნესის გენერლებად მიიჩნევენ. ყველაზე წარმატებული ბრენდებისა და მათი შემქმნელების საგულისხმო ისტორიები, რომელთა მაგალითზე ბევრი რამის სწავლა და გათვალისწინება შეიძლება. გადაცემის ავტორი და წამყვანი - გიორგი კალანდაძე.

უსარგებლოა ნათქვამი: "ვაკეთებთ, რაც შესაძლებელია". უნდა ვაკეთოთ ის, რაც აუცილებელია, - ბრიტანელი პოლიტიკოსის უინსტონ ჩერჩილის ეს ფრაზა კარგად ასახავს ჩვენი დღევანდელი გმირის ცხოვრების წესს. მას, მილიონერის შვილსა და თავადაც მილიონერს, დიდი დეპრესიის დროს მოუწია მოღვაწეობა. ის ცხადად ხედავდა ამერიკის იმდროინდელი ეკონომიკური სისტემის მთავარ ხარვეზს, რომელიც ხელს უშლიდა ქვეყანაში კრიზისის დასრულებას. მას შეეძლო განზე გამდგარიყო, მაგრამ ის სხვაგვარად მოიქცა და ამით ის ამერიკის და არა მხოლოდ ამერიკის ეკონომიკური ისტორიის ერთ-ერთი თვალსაჩინო წარმომადგენელი გახდა.

ეს არის მარინერ ეკლზის დიდი ბიზნესი რადიო პალიტრისა და "პალიტრა TV"-ის ეთერში.