ახალგაზრდებმა გმირთა მოედანზე დასუფთავების სამსახურის თანამშრომლებს საჭმელი მიუტანეს - პალიტრა ვიდეო

გმირთა მოედანზე რამდენიმე ახალგაზრდამ დასუფთავების სამსახურის ათობით თანამშრომელი დააპურა. მეგობრები სტიქიის ზონაში დღის მეორე ნახევარში საკვებით დატვირთულები მივიდნენ. როგორც ერთ-ერთმა მათგანმა, შალვა ჩხეიძემ "პალიტრა ტვ"-ს განუცხადა, მეგობრებმა შესაძლებლობის ფარგლებში, ხალხის დახმარება თავდაპირველად საკვებით, შემდეგ კი ფიზიკურად გადაწყვიტეს.

ახალგაზრდებმა დასუფთავების სამსახურის წარმომადგენლებს პური, ძეხვი, ყველი და ნამცხვრები დაურიგეს.