loader

ლაგოდეხში 68 წლის მამაკაცმა სამი მეზობელი დაჭრა, ერთ-ერთი გარდაიცვალა - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

ლაგოდეხში 68 წლის მამაკაცმა სამი მეზობელი დაჭრა, ერთ-ერთი გარდაიცვალა

შსს-ს კახეთის სამხარეო მთავარი სამმართველოს და ლაგოდეხის რაიონული სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, 1947 წელს დაბადებული ივანე ყ. დამამძიმებელ გარემოებაში ჩადენილი განზრახ მკვლელობის მცდელობის ბრალდებით ცხელ კვალზე დააკავეს.

გამოძიებამ დაადგინა, რომ ბრალდებულმა ლაგოდეხის რაიონის სოფელ ლელიანში, ურთიერთშელაპარაკებისას, ცეცხლსასროლი იარაღით დაჭრა მამა-შვილი - 1940 წელს დაბადებული ბუდუ ს, 1961 წელს დაბადებული ლევან ს. და მეზობელი - 1969 წელს დაბადებული შენგელი ყ. მიყენებული ჭრილობის შედეგად ბუდუ ს. საავადმყოფოში მიყვანისას გარდაიცვალა, ხოლო ლევან ს-ს და შენგელი ყ-ს ჯანმრთელობის მდგომარეობა ამ დროისთვის დამაკმაყოფილებელია. ივანე ყ. დანაშაულის ჩადენიდან რამდენიმე წუთში დააკავეს. სანადირო თოფი ნივთმტკიცებად ამოიღეს.