თბილისში სასტუმროებს "საბუდარასა" და "ვიზას" ხელმძღვანელები პროსტიტუციისთვის აქირავებდნენ - პალიტრა ვიდეო

შსს-მ თბილისში პროსტიტუციისთვის ადგილის გადაცემის ბრალდებით ხუთი პირი დააკავა. შსს-ს თბილისის მთავარი სამმართველოს უბნის ინსპექტორების სამმართველოს თანამშრომლებმა, თბილისში მდებარე სასტუმროების - "საბუდარასა" და "ვიზას" დირექტორი, 1971 წელს დაბადებული ნიკოლოზ ზ. და ადმინისტრატორები: 1963 წელს დაბადებული ცისანა ნ, 1977 წელს დაბადებული ლეილა ხ, 1968 წელს დაბადებული შორენა ბ. და 1973 წელს დაბადებული ია რ. პროსტიტუციისთვის ადგილის გადაცემის ბრალდებით დააკავეს.

გამოძიებამ დაადგინა, რომ ბრალდებულები გარკვეული პერიოდის განმავლობაში, გასამრჯელოს სანაცვლოდ, ქალბატონებს პროსტიტუციისთვის ფართს უთმობდნენ. სამართალდამცველებმა სასტუმროებში მომუშავე ქალბატონები მოწმის სახით დაკითხეს.
გამოძიება პროსტიტუციისთვის ადგილის გადაცემის ფაქტზე მიმდინარეობს (საქართველოს სსკ-ის 254-ე მუხლით).