2 000-ზე მეტი გამოცემა და 85%-მდე ფასდაკლება - "პალიტრა L" თბილისის წიგნის მე-17 საერთაშორისო ფესტივალზე - პალიტრა ვიდეო

"ექსპო ჯორჯიის" მე-11 პავილიონში თბილისის წიგნის მე-17 საერთაშორისო ფესტივალი გაიხსნა. ღონისძიებაზე 64 მონაწილეა წარმოდგენილი. ფესტივალზე მკითხველებს განსაკუთრებული ფასდაკლებები და მრავალფეროვანი ლიტერატურული ღონისძიებები ელოდებათ.

ფესტივალზე, ტრადიციულად, ყველაზე დიდი სტენდით არის წარმოდგენილი "პალიტრა L". გამომცემლობა მკითხველს 2 000-ზე მეტი დასახელების წიგნს სთავაზობს 85%-მდე ფასდაკლებებით.

თბილისის წიგნის საერთაშორისო ფესტივალი 28-დან 31 მაისის ჩათვლით გაგრძელდება. მკითხველებს "ექსპო ჯორჯიის" მე-11 პავილიონში მისვლა 11.00-დან 19.00 საათამდე შეუძლიათ.

ავტორები: ანა მარშანია, გიორგი შეყილაძე