ნინა სუბლატი "ევროვიზიის" ფინალშია - ქართველმა მომღერალმა სცენაზე ფურორი მოახდინა - პალიტრა ვიდეო

"ევროვიზიის" ქართველმა კონკურსანტმა ნინა სუბლატმა პირველი ნახევარფინალური ტური წარმატებით გაიარა და საუკეთესო ათეულში მოხვდა. სუბლატი ევროპელი მსმენელის წინაშე ვენის Wiener Stadthalle-ის სცენაზე ბოლო, მე-16 ნომრად წარდგა, საკონკურსო სიმღერით - Warrior.

პირველი ნახევარფინალური ტურის გამარჯვებულები ჟიურიმ და ევროპელმა მაყურებელმა ხმის მიცემის შედეგად, ერთობლივად (50%/50%) გამოავლინეს. მეორე ნახევარფინალი 21 მაისს გაიმართება და ტურს საუკეთესო შემსრულებლები გადალახავენ.

ფინალი 23 მაისს შედგება. ფინალურ საღამოზე 2015 წლის ევროფესტივალის გამარჯვებული გამოვლინდება.

ასევე იხილეთ: "...მთელ საქართველოს ვუხდი უზარმაზარ ბოდიშს" - ნინა სუბლატი მიმართვას ავრცელებს