პენსილვანიაში "ზაზუნას დღეს" აღნიშნავენ
პენსილვანიაში ზაზუნას დღეს აღნიშნავენ. ღონისძიება, რომლის დროსაც ზაზუნა, სახელად ფილი, თავის მისტიკურ ძალებს იყენებს, რათა ამინდი იწანასწარმეტყველოს, ყოველი წლის 2 თებერვალს ტარდება. ტრადიცია პოპულარული განსაკუთრებით მას შემდეგ გახდა, რაც ის ცნობილ კომედიურ ფილმ "ზაზუნას დღეში" აღწერეს. გავრცელებული მოსაზრებით, თუ ზაზუნა თავის ჩრდილს ხედავს, ეს ნიშნავს, რომ ზამთარი კიდევ 6 კვირა გაგრძელდება. შეკრებილი ხალხის სასიხარულოდ, ზაზუნამ თავისი ჩრდილი ვერ დაინახა და შესაბამისად, გაზაფხული პენსილვანიას ადრე ეწვევა.