"პრობაციაში მუშაობდა... სწორედ ასეთი განადგურებებია და ალბათ, კიდევ გაგრძელდება" - რას ამბობს ადვოკატი ყოფილი პრემიერის ცოლის დის ქმრის სამსახურიდან გათავისუფლებაზე?
"პრობაციაში მუშაობდა (ნათია თამაზაშვილის მეუღლე - ლევან სანამაშვილი), რომ არ შემეშალოს, 20 წელია, რაც საჯარო სამსახურში იყო ეს ადამიანი. ეს აბსოლუტურად არ ნიშნავს, რომ სადმე ირაკლი ღარიბაშვილის გამო მუშაობდა, მანამდე საჯარო სამსახურში მუშაობდა" - ამბობს ყოფილი პრემიერ-მინისტრის, ამჟამად პატიმრობაში მყოფი ირაკლი ღარიბაშვილის ადვოკატი, ლილი გელაშვილი "TV პირველთან" .
მანამდე ლილი გელაშვილმა სოციალურ ქსელში დაწერა, რომ ირაკლი ღარიბაშვილის ოჯახის წევრი, ნათია თამაზაშვილის მეუღლე - ლევან სანამაშვილი, ყოველგვარი ახსნა-განმარტების გარეშე, გაათავისუფლეს სამსახურიდან!
"მიზეზი - გასაგებია. ნათია თამაზაშვილი ასევე ადვოკატია და იცავს ირაკლი ღარიბაშვილის უფლებებს. ვინ იქნება შემდეგი???" - წერს ლილი გელაშვილი.
ასევე იხილეთ: "გუშინ, ირაკლი ღარიბაშვილის ოჯახის წევრი სამსახურიდან გაათავისუფლეს" - რას აწერს ყოფილი პრემიერის ადვოკატი?