როდის გამოიდარებს შავი ზღვის სანაპიროზე და როგორი ამინდი ელოდება დამსვენებლებს აგვისტოში? - "პირველი და ორი აგვისტოს ჩათვლით ამ ტემპერატურას ვინარჩუნებთ, თუმცა 3 აგვისტოდან...."
როდის გამოიდარებს შავი ზღვის სანაპიროზე და როგორი ამინდი ელოდება დამსვენებლებს აგვისტოში? - ამ კითხვით გარემოს ეროვნული სააგენტოს მოკლევადიანი პროგნოზების განყოფილების უფროსს, დოდო გვაზავას მივმართეთ. როგორც გვაზავამ გვითხრა, შავი ზღვის სანაპიროზე 3 აგვისტოდან გამოიდარებს.
"სანაპირო რაიონებში მოსალოდნელია, პირველ და ორ აგვისტოს იყოს ღრუბლიანი ამინდი. ღრუბლიანობიდან გამომდინარე შესაძლოა, იყოს ხანმოკლე წვიმა, თუმცა ეს ხელს არ შეუშლის დამსვენებლებს. ჰაერის მაქსიმალური ტემპერატურა 27-29 გრადუსი იქნება.
3 და 4 აგვისტოს, უნალექო ამინდია მოსალოდნელი, ტემპერატურა რამდენიმე გრადუსით მომატებს. 5, 6, 7 აგვისტოს, ტემპერატურის კლება არ არის მოსალოდნელი, 28-30 გრადუსი შენარჩუნდება, თუმცა შესაძლებელია, ხანმოკლე წვიმა ელჭექით,- განაცხადა დოდო გვაზავამ.