ბათუმში 10 წლამდე ბავშვს ავტომობილი დაეჯახა - როგორია მისი მდგომარეობა
ბათუმში ავტოსაგზაო შემთხვევის შედეგად 10 წლამდე ბიჭი დაშავდა, იგი სასწრაფო-სამედიცინო დახმარების ბრიგადამ ბათუმის დედათა და ბავშვთა ცენტრში გადაიყვანა.
წინასწარი ინფორმაციით, მოზარდის სიცოცხლედ საფრთხე არ ემუქრება.
არსებული ინფორმაციით, ავტოსაგზაო შემთხვევისას მოზარდი დედასთან ერთად იმყოფებოდა, რომელსაც გორგასალის ქუჩაზე მსუბუქი ავტომობილი შეეჯახა.
ადგილზე შინაგან საქმეთა სამინისტროს თანამშრომლები იყვნენ მობილიზებული. ფაქტზე გამოძიება სისხლის სამართლის კოდექსის 276-ე მუხლით მიმდინარეობს.
ფოტო: "ბათუმელები"