"თელავის ერთ-ერთ სასტუმროში მომხდარ ინციდენტში მონაწილე ქალების მიმართ ამ ეტაპზე ქვეყნიდან გაუსვლელობის გადაწყვეტილება მიღებული არ არის" - პროკურორი
თელავის ერთ-ერთ სასტუმროში ქორწილის მიმდინარეობისას მომხდარი ინციდენტის საქმის პროკურორის ბექა ნათელაურის განცხადებით, ინციდენტში მონაწილე ქალების მიმართ პროკურატურას ამ ეტაპისთვის ქვეყნიდან გაუსვლელობის გადაწყვეტილება არ მიუღია.
კითხვაზე, როგორ აპირებს მოქმედებას პროკურატურა იმ შემთხვევაში, თუ გამოძიების ფარგლებში აღნიშნული ქალების ბრალეულობაც გამოიკვეთება, პროკურორმა აღნიშნა, რომ გამოძიებისთვის მნიშვნელოვანია დანაშაულის უშუალო თვითმხილველი პირების მიერ მოწოდებული ინფორმაცია, რასაც ეს პირებიც აცნობიერებენ.