"როცა მოკლე დროში მოდის დიდი ნალექი, მსგავსი მხოლოდ თბილისში არ ხდება, ამას ვხედავთ ევროპის დიდ ქალაქებშიც" - კახა კალაძე
როდესაც ძალიან მოკლე დროში მოდის უჩვეულოდ დიდი რაოდენობის ნალექი, მსგავსი შემთხვევები მხოლოდ თბილისში არ ხდება, ამას ვხედავთ ევროპის არაერთ დიდ ქალაქშიც, ჩვენზე უფრო ძლიერ სახელმწიფოებშიც,- ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.
მან თბილისში მოსულ უხვ ნალექზე ისაუბრა და განმარტა, რომ მერია გზების რეაბილიტაციის დროს, პირველ რიგში, სანიაღვრე სისტემებს და მიწისქვეშა კომუნიკაციებს აწესრიგებს.
ამასთან, კალაძის თქმით, ზოგი ადამიანი ყოველ ძლიერ წვიმას პოლიტიკური სპეკულაციებისთვის იყენებს.