"ხომ გაგაფრთხილეთ, რომ თქვენი ტყუილები არ გავიდოდა?" - რას წერს და რა ვიდეოს აქვეყნებს დიმიტრი სამხარაძე ბერა ივა­ნიშ­ვილ­ის გარშემო ატეხილ აჟიოტაჟზე? - პალიტრა ვიდეო

ბა­თუმ­ში, 18 ივლისს გა­მარ­თუ­ლი სა­ქორ­წი­ლო ცე­რე­მო­ნია სო­ცი­ა­ლუ­რი ქსე­ლე­ბი­სა და მე­დი­ის ყუ­რა­დღე­ბის ცენ­ტრში მო­ექ­ცა - ყო­ფი­ლი ში­ნა­გან საქ­მე­თა მი­ნის­ტრის, კახა თარ­გა­მა­ძის ქა­ლიშ­ვი­ლი ბიზ­ნეს­მენ ედ­ნარ პა­პუ­ნა­იშ­ვი­ლის ვაჟზე გიგა პა­პუ­ნა­იშ­ვი­ლზე დაქორწინდა.

წყვი­ლის ჯვრის­წე­რის რი­ტუ­ა­ლი ბა­თუ­მის ღვთის­მშობ­ლის შო­ბის სა­კა­თედ­რო ტა­ძარ­ში შედ­გა. ყუ­რა­დღე­ბა მი­ი­პყრო ნე­ფის მეჯ­ვა­რე­მაც - გიგა პა­პუ­ნა­იშ­ვი­ლის უახ­ლო­ეს­მა მე­გო­ბარ­მა, ბი­ძი­ნა ივა­ნიშ­ვი­ლის ვაჟ­მა ბერა ივა­ნიშ­ვილ­მა.

სოციალურ ქსელში გავრცელდა ინფორმაცია, რომ ჯვრისწერის გამო, ტაძრის შესასვლელთან და პერიმეტრზე პოლიცია იყო მობილიზებული და ავტომობილებით გადაადგილება შეფერხებული იყო.

აღნიშნულს გამოეხმაურა "ქართული ოცნების" დეპუტატი დიმიტრი სამხარაძე.

"ხომ გაგაფრთხილეთ, რომ თქვენი ტყუილები არ გავიდოდა? ბატონი ბიძინას და მისი ოჯახის წევრების წინააღმდეგ ცრუ ინფორმაციის, ფეიკებისა და შავი კამპანიის წარმოების საშუალებას არ მოგცემთ! რომ იცოდეთ, ამ სიბინძურით ივანიშვილების ოჯახს ვერაფერს დააკლებთ, ხალხის მოტყუების უფლებას არ მოგცემთ!" - წერს დიმიტრი სამხარაძე სოციალურ ქსელში და ვიდეოს აქვეყნებს.