ხატია დეკანოიძე განცხადებას ავრცელებს - პალიტრა ვიდეო

ოპოზიციონერი პოლიტიკოსი ხატია დეკანოიძე, ირაკლი დგებუაძის თბილისის პოლიციის დეპარტამენტის დეტექტივების მთავარი სამმართველოს უფროსად დანიშვნას ეხმაურება.

"იმ დეპარტამენტის ფუნქციები, რომლის უფროსადაც დგებუაძე დაინიშნა შემდეგია:

- ადამიანის უფლებების, საზოგადოებრივი უსაფრთხოების, მართლწესრიგისა და საკუთრების დაცვა;

- დანაშაულის წინააღმდეგ ბრძოლა, საფრთხეების ანალიზი და დაგეგმვა;

- კანონმდებლობით გათვალისწინებული საპოლიციო და საოპერაციო ღონისძიებების განხორციელება;

- უკანონო მიგრაციასთან ბრძოლა;

- ოჯახში ძალადობისა და ქალთა მიმართ ძალადობის ფაქტებზე რეაგირება;

- არასრულწლოვანთა დანაშაულის პრევენცია და მართლმსაჯულების მექანიზმების გამოყენება.

ადამიანმა, რომელმაც ყველაფერი გააკეთა მზია ამაღლობელის დასაჭერად, ქალს შეაფურთხა განყოფილებაში, წყალი არ მიაწოდა დაკავებულს და ერთი წელი ცრუ ჩვენებებს აძლევდა - ეს ფუნქციები როგორ უნდა შეასრულოს და საზოგადოება დაიცვას?

ან კანონიერ ქურდებს და ორგანიზებულ დანაშაულს როგორ უნდა შეეწინააღმდეგოს ამ ბოროტი გამოცდილებით და არსით?

ყველანაირად რეპუტაცია დაკარგული პოლიციელია. ასე დაჰყავთ ადგილისთვის." - წერს ხატია დეკანოიძე.