გერმანიაში მცხოვრები 23 წლის ქართველი ემიგრანტი ტბაში დაიხრჩო
გერმანიაში მცხოვრები 23 წლის ქართველი ემიგრანტი ბესო მამულაშვილი, მიუნხენთან ახლოს, ტბაში დაიხრჩო.
ადგილობრივი მედიის "მთავარი ამბები კახეთიდან" ცნობით ახალგაზრდა საგარეჯოს მუნიციპალიტეტის სოფელ ხაშმის მკვიდრი იყო.
თანასოფლელების თქმით, ტრაგედია გუშინ, 26 ივნისს მოხდა - ახალგაზრდა ტბაში საბანაოდ შევიდა და დაიხრჩო.
არსებული ინფორმაციით, ოჯახი დაღუპულის საქართველოში გადმოსვენების საკითხს აგვარებს.