მოქალაქეები ლოზუნგით - ,,თავისუფლებისთვის ბრძოლა გრძელდება” - 9 აპრილის მემორიალთან შეიკრიბნენ - პალიტრა ვიდეო

,,თავისუფლებისთვის ბრძოლა გრძელდება!” - ამ ლოზუნგით პარლამენტთან 9 აპრილის მოვლენებისადმი მიძღვნილი აქცია მიმდინარეობს.

საკანონმდებლო ორგანოსთან შეკრებილი მოქალაქეები და აქტივისტები 9 აპრილის მემორიალთან ღამის გათენებას აპირებენ.

ღამის განმავლობაში დაგეგმილია სხვადასხვა ღონისძიება. მემორიალთან დადგმულია ეკრანი, სადაც 9 აპრილთან დაკავშირებული ფილმის ჩვენება იგეგმება. მოგვიანებით, 04:00 საათზე, 9 აპრილს დაღუპულთა სულის მოსახსენიებელი პანაშვიდი გაიმართება.

რაც შეეხება 9 აპრილს, მოქალაქეები დღის განმავლობაში სხვადასხვა ადგილიდან გეგმავენ სამოქალაქო მსვლელობებს და საბოლოოდ, 20:00 საათზე, 9 აპრილის მემორიალთან შეიკრიბებიან.

აქციის მონაწილეები პატივს მიაგებენ საქართველოს დამოუკიდებლობისთვის ბრძოლაში დაღუპულ გმირებს და კიდევ ერთხელ დააფიქსირებენ პოზიციას, რომ თავისუფლებისთვის ბრძოლა გრძელდება.