"ძალიან მინდოდა ამ თემაზე საუბარი... დამირეკა ბიძინა ივანიშვილმა და მითხრა, ჩათვალე, ეს კოშმარი დღეს დამთავრდა შენს ცხოვრებაშიო..." - რა ისტორია გაიხსენა სალომე გოგიაშვილმა?
"ბატონ ბიძინა ივანიშვილთან ჩემს ოჯახს აკავშირებს ძალიან დიდი ხნის ურთიერთობა. ჯერ არავინ არ იცოდა ბატონი ბიძინა, როდესაც ჩემი ოჯახი მის ოჯახთან მეგობრობდა. შემდეგ, სამწუხაროდ, ჩემი ცხოვრება ისე წარიმართა, რომ მე დამჭირდა დახმარება. ადამიანი გვერდში რომ დაგიდგება, იმ ადამიანის, მე ასე ვთვლი, მადლიერი უნდა იყო. მე პარტიის გულშემატკივარი კი არ ვარ, ამ კაცის გულშემატკივარი ვარ - კაცის, რომელმაც ცხოვრება გადამირჩინა, კაცის, რომელმაც ჩემი შვილები გადაარჩინა" - ამის შესახებ სალომე გოგიაშვილმა თემურ ებიტაშვილის პოდკასტში ისაუბრა.