თავდასხმა ნახიჩევანზე ირანული დრონებითა და რაკეტებით, ევაკუაცია ადგილობრივი სკოლებიდან - რა დეტალებია ამ დროისთვის ცნობილი
ნახიჩევანის აეროპორტის მიმდებარედ სკოლებიდან მოსწავლეების და მასწავლებლების ევაკუაცია განხორციელდა. აღნიშნულს წინ უსწრებდა აეროპორტზე ირანული ე.წ. შაჰიდის დრონით თავდასხმა..
თავდასხმის შედეგად დაღუპულებისა და დაშავებულების შესახებ ინფორმაცია ჯერჯერობით არ ვრცელდება.
"ჩვენ აღმოვაჩინეთ ერთ-ერთი დრონი, რომელიც ჩამოვარდა ღია ადგილას, აეროპორტთან საკმაოდ ახლოს", - წერს azernews.
როგორც ირკვევა, საუბარი არ არის მხოლოდ ერთ დრონზე, არამედ შეტევა აზერბაიჯანზე რაკეტებითა და დრონებით განხორციელდა. როგორც სააგენტო Reuters-ი აზერბაიჯანის სამთავრობო წყაროზე დაყრდნობით წერს, "ირანის მიმართულებით მოძრავი რაკეტები და დრონები აზერბაიჯანში, ნახიჩევანში, აეროპორტის ტერიტორიაზე ჩამოვარდა".წყაროს ცნობით, მომხდარის შედეგად ხანძარი გაჩნდა და ოფიციალური განცხადება მალე გაკეთდება. ჯერჯერობით უცნობია, რამდენი რაკეტა და დრონი ჩამოვარდა ამ ტერიტორიაზე. განაგრძეთ კითხვა