სალომე ზურაბიშვილი კითხვაზე: ელოდება თუ არა მის დაპატიმრებას - მე არ ვარ ახალი ცვლილებების მთავარი ობიექტი, ეს არ ეხება მხოლოდ სალომე ზურაბიშვილს, ეხება ყველას - არსად წასვლას არ ვაპირებ, რატომ უნდა წავიდე?
მეგონა, ჩვენთვის მთავარი იყო გვემუშავა, რომ არავის ეღიარებინა ოკუპირებული ტერიტორიები, თუმცა, როგორც ჩანს, მათთვის პრიორიტეტი შეიცვალა და დღეს გახდა: „მაღიარეთ, მაღიარეთ“ - სალომე ზურაბიშვილს არ ეხება ეს კანონი, ეს ეხება ყველას, - ამის შესახებ საქართველოს მეხუთე პრეზიდენტმა, სალომე ზურაბიშვილმა „რადიო პალიტრის“ ეთერში განაცხადა, რითაც უპასუხა კითხვას, ელოდება თუ არა მის დაპატიმრებას, თუ ძალაში შევიდა საკანონმდებლო ინიციატივა, რომ სისხლისსამართლებრივი პასუხისმგებლობა დაეკისროს პირს, რომელიც არ ცნობს კონსტიტუციური ორგანოების ლეგიტიმაციას და სხვებსაც საჯაროდ მოუწოდებს მსგავსი ქმედებისკენ.