"ისტორიული ადამიანის დაბადების დღეა! დღეს ის მსჯავრდებულია და ბრალი ედება სამშობლოს უზომო და უპირობო სიყვარულისთვის!" - რას წერს ნიკოლოზ რაჭველი პაატა ბურჭულაძეზე - პალიტრა ვიდეო

"ისტორიული ადამიანის დაბადების დღეა! ვამაყობ, რომ ჩემი ცხოვრების უკვე საკმაოდ დიდი ნაწილი მჭიდროდ დაუკავშირდა მას, როგორც შემოქმედებით, ასევე ქველმოქმედების დიდ საქმეში!.. მეგობრობაში!.." - ამის შესახებ მუსიკოსი ნიკოლოზ რაჭველი სოციალურ ქსელში წერს და პაატა ბურჭულაძეს დაბადების დღეს ულოცავს.

"ისტორიული ადამიანის დაბადების დღეა! ვამაყობ, რომ ჩემი ცხოვრების უკვე საკმაოდ დიდი ნაწილი მჭიდროდ დაუკავშირდა მას, როგორც შემოქმედებით, ასევე ქველმოქმედების დიდ საქმეში!.. მეგობრობაში!..

დღეს ის მსჯავრდებულია და ბრალი ედება სამშობლოს უზომო და უპირობო სიყვარულისთვის! დაე ეს იყოს ერთადერთი დაბადების დღე, იმ უამრავ მომდევნოთა შორის, როდესაც ის არ იქნება დიდ სცენაზე გარშემორტყმული თავისი კოლეგებით, სახელგანთქმული დირიჟორებითა და სიმფონიური ორკესტრებით, მის მიერ სიდუხჭირისგან გადარჩენილი მრავალშვილიანი ოჯახებით და მისი დიდი ძალისხმევით აგებული ტაძრების მრევლით!" - წერს ნიკოლოზ რაჭველი.