მოქალაქე გამოიძახა ტაქსი და „შუა გზაში წაეკიდა ცეცხლი“ - რა მოხდა შინდისის შემოვლით გზაზე
შინდისის შემოვლით გზაზე ტაქსს ცეცხლი გაუჩნდა. შემთხვევა რამდენიმე საათის წინ მოხდა.
როგორც მოქალაქე სოციალურ ქსელში წერს, მან გამოიძახა ტაქსი და „შუა გზაში წაეკიდა ცეცხლი“.
მისივე თქმით, გადმოსვლა მოასწრო, რის შემდეგაც მანქანა „მთლიანად ცეცხლში გაეხვა“.
როგორც „ინტერპრესნიუსს“ შინაგან საქმეთა სამინისტროში განუცხადეს, შემთხვევის შედეგად არავინ დაშავებულა.