ხატია ბუნიათიშვილი და პრეზიდენტი მაკრონი „Pièces Jaunes“- ის გალა კონცერტზე
ქართველი პიანისტი ხატია ბუნიათიშვილი სოციალურ ქსელში საფრანგეთის პრეზიდენტ ემანუელ მაკრონთან ერთად გადაღებულ ფოტოს აქვეყნებს.
ფოტო „Pièces Jaunes“-ის საქველმოქმედო გალა-კონცერტიდან არის, რომელიც საფრანგეთში ერთ-ერთ ყველაზე მასშტაბურ და სიმბოლურ სოციალურ ღონისძიებად ითვლება.
საქველმოქმედო გალა-კონცერტიდან შემოსული თანხები ხმარდება ბავშვთა საავადმყოფოების ინფრასტრუქტურის, ფსიქოლოგიური მხარდაჭერისა და საცხოვრებელი პირობების გაუმჯობესებას. ეს ღონისძიება საფრანგეთში ერთ-ერთი ყველაზე მნიშვნელოვანი და სიმბოლური საქველმოქმედო საღამოა, სადაც კულტურა, პოლიტიკა და სოციალური პასუხისმგებლობა ერთიანდება.